पार्टी केन्द्रीय समितिमा आफूले प्रस्तुत गर्न लागेको राजनीतिक प्रतिवेदन पारित हुने सम्भावना नदेखेपछि प्रचण्डले गृहकार्य नपुगेको भन्दै केन्द्रीय समिति बैठक दर्जनौा पटक स्थगित गराएका छन् । पार्टीको सम्पूर्ण क्षेत्रमा अल्पमतमा परेपछि प्रचण्ड यतिबेला हतासको मानसिकतामा रहेको एक नेताले जानकारी दिएका छन् । संविधानसभामा दलको नेता परिवर्तन गर्नुपर्ने भन्दै १५९ सभासद्ले हस्ताक्षर संकलन गरेपछि प्रचण्ड झनै एक्लिादै गएका छन् । त्यसमा पनि पार्टीभित्रबाट ९७ जना केन्द्रीय सदस्यले हस्ताक्षर गरेर नेतृत्वलाई कार्यविभाजन र पार्टी निर्णय कार्यान्वयनमा जान दबाब दिएपछि प्रचण्ड महासंकटमा फस्न पुगेको उनी निकट एक नेताले जानकारी दिएका छन् । पार्टीमा वरिष्ठ उपाध्यक्ष किरणले संगठन विभाग, अर्का उपाध्यक्ष भट्टराईले संसदीय दलको नेताको जिम्मेवारी आफूले पाउनुपर्ने र प्रचण्ड पार्टीको सम्मानित अध्यक्ष भएर रहनुपर्ने बताउादै आएका छन् । पछिल्लो समय प्रचण्डमा विलासिता बढ्दै गएको वैचारिकरूपमा स्खलन हुादै गएको भन्दै किरण, भट्टराईलगायत अन्य नेताहरूले नेतृत्व सच्चिनुपर्ने नत्र ठाउा ओगटेर बस्न नमिल्ने बताउादै आएका छन् ।
हिजो दस वर्षे जनयुद्धको क्रममा घाटी जोडेर सागसागै हिाडेका नेताहरू पछिल्लो समय पार्टी अध्यक्ष प्रचण्डको कार्यशैली र व्यवहारबाट विक्षिप्त हुन पुगेका हुन् । सागैका सहयात्री टाढिन थालेपछि प्रचण्ड इतिहासमा पहिलो पटक एक्लिन पुगेका हुन् । आफ्नो कार्यशैलीलाई नसुधार्ने हो भने सहयात्रीकै दबाबमा प्रचण्ड नेतृत्व त्याग गर्न बाध्य हुने अवस्था सिर्जना हुने जानकारहरूले बताएका छन् ।
राजेन्द्रप्रसाद चिमौरिया,
