न्युयोर्क चुम्लुङ अमेरिकाद्वारा 'लिम्बुवानको सुनिश्चिततामा प्रवासीहरुको विचार' बिषयक अन्तरक्रिया
बुद्ध चेम्जोङ, न्युयोर्क/
न्युयोर्क, किरात याक्थुङ चुम्लुङ अमेरिकाले न्युयोर्क शहरस्थित ज्याक्सनहाईट्समा गत जुलाई १९ मा, प्रा. डा. मारोहाङ लिम्बूको मुख्य आतिथ्य तथा नेपालका राजनीतिक ज्ञाता साथै अग्रज साहित्यकार अमर नेम्बाङ लिम्बूको उपस्थितिमा "लिम्बुवानको सुनिश्चिततामा प्रवासीहरुको बिचार" बिषयक एक अन्तरक्रिया कार्यक्रम सम्पन्न भएको छ ।
डा. लिम्बू र नेम्बाङसंगको यस अन्तरक्रिया कार्यक्रममा नेपालको समसामयिक राजनीतिक विषयभित्र रहेर बहुभाषिक, बहुसांस्कृतिक र बहुजातीय लिम्बुवानको इतिहास, लालमोहरको औचित्य र किपटको व्याख्या, भाषा, संस्कृति, लिम्बुवानबारे राज्यको अवधारणा, लिम्बुवान सुनिश्चितताको आन्दोलन र यसको सफलता, लिम्बुवान सुनिश्चिततामा सम्पूर्ण लिम्बुवानवासीहरुसंग गर्नुपर्ने सामञ्ज्यस्यता, लिम्बुवानवासीहरुको कर्तब्य, लिम्बुवान राज्य/प्रदेश नामाकरणपछिको शासकीय स्वरुप, विकासका आधारहरु, शैक्षिक जागरण, नेपाल सुहाउंदो संघीयताका खाकाहरु र विश्वमा रहेका संघीय देशहरुको विश्लेषण आदि विषयमा छलफल गरिएको थियो ।
संघीयता लागू भएपछि राज्यशक्तिको रुपान्तरण हुंदा एकात्मकवादी सोच भएका व्यक्तिहरूको हाबी र केन्द्रीकृत राज्यसत्तामा मोज गर्नेहरुको स्थान नरहने भएकोले नै संबिधान लेखनलाई ढिलाई गर्ने र संघीयतालाई नै लागू हुन नदिने खेलहरु भइरहेको निष्कर्ष उक्त भेलाले निकालेको थियो भने त्यस्ता कुचेष्टालाई बिफल पार्न देशबिदेशबाट दवाब दिइरहनुपर्नेबारे जोड दिईएको थियो ।
चुम्लुङ अमेरिकाका अध्यक्ष पूर्ण लिम्बूको आध्यक्षता, उपाध्यक्ष देवेन्द्र लिम्बूको स्वागत मन्त्यब्य र महासचिव दिपेस सुब्बाको सञ्चालनमा भएको सो कार्यक्रममा फिप्नाका उपाध्यक्ष बिनोद पोमो लिम्बू, एनआरएन यूएसएका बोर्ड अफ डाइरेक्टर दुर्गा सुब्बा, र साहित्यकार तथा पत्रकार नगेन्द्र ईङ्नाम "आठराइली" लगायतले आ-आफ्ना मन्तब्य राखेका थिए ।
डा. लिम्बू र नेम्बाङ दुबैजनाले कार्यक्रममा उपस्थित ब्यक्तिहरुबाट सोधिएका समसामयिक सवालहरुको संगोल रुपमा जवाफ दिएका थिए । डा. लिम्बू अमेरिकाको मिसिगन राज्यको पूर्बी लान्सिङ शहरमा अवस्थित मिसिगन स्टेट युनिभर्सिटीमा सहायक प्राध्यापक भएर अध्यापन पेशामा संलग्न हुनुहुन्छ । साहित्यकार नेम्बाङ बिगत दूई बर्षदेखि नेपाली डाएस्पोरा साहित्य सम्बन्धी खोज अनुसन्धान गर्दै न्यूयोर्कमा रहनु भएको छ ।
-- --------------
न्युयोर्क, किरात याक्थुङ चुम्लुङ अमेरिकाले न्युयोर्क शहरस्थित ज्याक्सनहाईट्समा गत जुलाई १९ मा, प्रा. डा. मारोहाङ लिम्बूको मुख्य आतिथ्य तथा नेपालका राजनीतिक ज्ञाता साथै अग्रज साहित्यकार अमर नेम्बाङ लिम्बूको उपस्थितिमा "लिम्बुवानको सुनिश्चिततामा प्रवासीहरुको बिचार" बिषयक एक अन्तरक्रिया कार्यक्रम सम्पन्न भएको छ ।
डा. लिम्बू र नेम्बाङसंगको यस अन्तरक्रिया कार्यक्रममा नेपालको समसामयिक राजनीतिक विषयभित्र रहेर बहुभाषिक, बहुसांस्कृतिक र बहुजातीय लिम्बुवानको इतिहास, लालमोहरको औचित्य र किपटको व्याख्या, भाषा, संस्कृति, लिम्बुवानबारे राज्यको अवधारणा, लिम्बुवान सुनिश्चितताको आन्दोलन र यसको सफलता, लिम्बुवान सुनिश्चिततामा सम्पूर्ण लिम्बुवानवासीहरुसंग गर्नुपर्ने सामञ्ज्यस्यता, लिम्बुवानवासीहरुको कर्तब्य, लिम्बुवान राज्य/प्रदेश नामाकरणपछिको शासकीय स्वरुप, विकासका आधारहरु, शैक्षिक जागरण, नेपाल सुहाउंदो संघीयताका खाकाहरु र विश्वमा रहेका संघीय देशहरुको विश्लेषण आदि विषयमा छलफल गरिएको थियो ।
संघीयता लागू भएपछि राज्यशक्तिको रुपान्तरण हुंदा एकात्मकवादी सोच भएका व्यक्तिहरूको हाबी र केन्द्रीकृत राज्यसत्तामा मोज गर्नेहरुको स्थान नरहने भएकोले नै संबिधान लेखनलाई ढिलाई गर्ने र संघीयतालाई नै लागू हुन नदिने खेलहरु भइरहेको निष्कर्ष उक्त भेलाले निकालेको थियो भने त्यस्ता कुचेष्टालाई बिफल पार्न देशबिदेशबाट दवाब दिइरहनुपर्नेबारे जोड दिईएको थियो ।
चुम्लुङ अमेरिकाका अध्यक्ष पूर्ण लिम्बूको आध्यक्षता, उपाध्यक्ष देवेन्द्र लिम्बूको स्वागत मन्त्यब्य र महासचिव दिपेस सुब्बाको सञ्चालनमा भएको सो कार्यक्रममा फिप्नाका उपाध्यक्ष बिनोद पोमो लिम्बू, एनआरएन यूएसएका बोर्ड अफ डाइरेक्टर दुर्गा सुब्बा, र साहित्यकार तथा पत्रकार नगेन्द्र ईङ्नाम "आठराइली" लगायतले आ-आफ्ना मन्तब्य राखेका थिए ।
डा. लिम्बू र नेम्बाङ दुबैजनाले कार्यक्रममा उपस्थित ब्यक्तिहरुबाट सोधिएका समसामयिक सवालहरुको संगोल रुपमा जवाफ दिएका थिए । डा. लिम्बू अमेरिकाको मिसिगन राज्यको पूर्बी लान्सिङ शहरमा अवस्थित मिसिगन स्टेट युनिभर्सिटीमा सहायक प्राध्यापक भएर अध्यापन पेशामा संलग्न हुनुहुन्छ । साहित्यकार नेम्बाङ बिगत दूई बर्षदेखि नेपाली डाएस्पोरा साहित्य सम्बन्धी खोज अनुसन्धान गर्दै न्यूयोर्कमा रहनु भएको छ ।
-- --------------
